Nýtt tímabil, nýjar áskoranir!
Árskortasalan er hafin – tryggðu þér sæti í stúkunni.

ÁRSKORT Á SAMSUNGVÖLLINN

Árskort fyrir komandi tímabil eru nú komin í sölu á 25.000 kr. Með venjulegu árskorti færðu aðgang að öllum heimaleikjum félagsins í Bestu deildinni, bæði hjá karla- og kvennaliði.

Árskortin eru seld í gegnum Stubbur og þar er einnig hægt að skipta greiðslum til að auðvelda kaupin.

Iðkendakort verða einnig í boði fyrir börn sem æfa knattspyrnu hjá félaginu. Iðkendur félagsins voru frábærir stuðningsmenn á síðasta tímabili og mættu mjög vel á heimaleiki liðsins í Bestu deildinni þar sem þau sköpuðu frábæra stemningu í stúkunni.

Við hlökkum til að sjá iðkendurna okkar aftur á vellinum í sumar. Iðkendakortin verða gefin út rétt fyrir upphaf tímabilsins og nánari upplýsingar um afhendingu þeirra verða kynntar þegar nær dregur.

12. maðurinn er hópur öflugra stuðningsmanna sem standa þétt að baki liðunum okkar. Félagar í 12. manninum hittast fyrir heimaleiki í Stjörnuheimilinu og einnig í hálfleik þar sem stuðningsmenn koma saman, hita upp fyrir leikinn og styrkja tengslin innan hópsins.

Aðild að 12. manninum fylgja sérstök árskort sem veita aðgang að öllum heimaleikjum Stjörnunnar í Bestu deildinni ásamt ýmsum fríðindum. Félagar fá aðgang að veitingum og drykkjum fyrir leik og í hálfleik.

Líkt og undanfarin ár fá félagar 12. mannsins einnig forgang að miðakaupum á hið margrómaða Þorrablót Stjörnunnar og aðgang að forsölu á Evrópuleiki félagsins.

Markmið okkar er að stækka hópinn enn frekar og efla stuðninginn við félagið þannig að eftir sé tekið – bæði innan vallar og utan.

Ef þú hefur áhuga á að taka þátt í starfi 12. mannsins, vilt fá frekari upplýsingar eða ræða greiðslufyrirkomulag, sendu okkur endilega tölvupóst á 12m@stjarnan.is og við finnum góða lausn.

HÉR ER HÆGT AÐ SKOÐA HVAÐA LEIÐIR ERU Í BOÐI

HVAÐ ER FRAMUNDAN?

Súpufundur stuðningsmanna fer fram næstkomandi mánudag, 16. mars.

Á fundinum gefst stuðningsmönnum Stjörnunnar tækifæri til að fá innsýn í undirbúning beggja liða fyrir komandi tímabil. Þeir Jökull og Óskar mæta á svæðið, fara yfir undirbúningstímabilið, hvað er framundan og svara spurningum úr sal.

Á boðstólnum verður hin fræga kjötsúpa frá vinum okkar hjá Icelandic Street Food, ásamt plokkfiski – fullkomið til að hita upp fyrir spennandi tímabil.

Sætapláss er takmarkað og skráning er hafin. Áhugasamir eru beðnir um að skrá sig með því að senda tölvupóst á midasala@stjarnan.is.

Við hlökkum til spennandi tímabils þar sem liðin okkar munu keppa í efstu deild og við vitum að stuðningurinn úr stúkunni skiptir miklu máli. Með því að tryggja þér árskort styður þú við félagið og verður hluti af þeirri stemningu sem gerir heimaleiki okkar að sérstökum viðburði.

Við hvetjum alla stuðningsmenn til að tryggja sér árskort fyrir tímabilið og mæta á völlinn í sumar til að styðja við liðin okkar í Bestu deild karla og kvenna.

Stuðningsmannakvöldið fer fram föstudaginn 27. mars, þar sem leikmenn meistaraflokks mæta á grillið og taka á móti stuðningsmönnum.
Tökum daginn frá, fjölmennum og þéttum raðirnar fyrir komandi átök í sumar.

SKÍNI STJARNAN!